Një incident i rëndë ka ndodhur në lagjen “Pavarësia 2” në Vlorë, ku një konflikt banal për një shishe ujë ka përfunduar në dhunë fizike dhe ndërhyrje të forcave të policisë.
Ngjarja ka marrë një tjetër kthesë kur Vasil Bedinaj, pronari i lokalit dhe një biznesmen i njohur në qytet, ka ndërhyrë për të mbrojtur të riun. Ai ka goditur me grusht Ardian Isufin, i cili për shkak të plagëve ka përfunduar në Spitalin Rajonal të Vlorës.
Ky nuk është incidenti i parë ku përfshihet Bedinaj. Në gusht të vitit 2024, ai ishte filmuar duke goditur me grusht në fytyrë një qytetar që kishte shprehur pakënaqësi për bllokimin e hapësirës publike në plazh nga hoteli i tij. Edhe atëherë, situata u përshkallëzua dhe u shmang nga përplasjet e mëtejshme falë ndërhyrjes së qytetarëve të tjerë.
Rasti aktual ka ndezur debate të shumta në rrjet, ku shumë qytetarë janë shprehur se “këtë herë i lumtë dora” për reagimin ndaj një akti të papranueshëm të një efektivi policie ndaj një të riu në punë.